ایئرپورٹ سیکیورٹی فورس (اے ایس ایف) نے علامہ اقبال انٹرنیشنل ایئرپورٹ پر کارروائی کرتے ہوئے بیرونِ ملک جانے والے مسافر کے قبضے سے بھاری مقدار میں سونا برآمد کر لیا۔
حکام کے مطابق شہزاد احمد نامی مسافر دبئی روانہ ہو رہا تھا کہ دورانِ اسکریننگ اسے روک کر تلاشی لی گئی۔ تلاشی کے دوران مسافر کی جرابوں میں چھپائی گئی 18 سونے کی اینٹیں برآمد ہوئیں۔
برآمد ہونے والے سونے کا مجموعی وزن دو کلوگرام سے زائد بتایا جاتا ہے۔ اے ایس ایف نے ملزم کو تحویل میں لے کر برآمد شدہ سونا کسٹم حکام کے حوالے کر دیا۔
کسٹم حکام نے سونا ضبط کر کے ملزم کے خلاف مزید قانونی کارروائی شروع کر دی ہے۔
