پاکستان کے مقبول ترین اداکار فہد مصطفیٰ نے اے آر وائی ڈیجیٹل کے ڈرامہ پرورش میں شاندار انٹری دی ہے، جس پر ناظرین نے بھرپور ردعمل دیا ہے۔ جیسے ہی نئی قسط آن ایئر ہوئی، سوشل میڈیا پر فہد مصطفیٰ کے چرچے شروع ہو گئے۔
مداحوں نے نہ صرف ان کی جاندار اداکاری کو سراہا بلکہ ان کی موجودگی کو کہانی میں نئی جان قرار دیا۔ کئی صارفین نے فہد کی انٹری کو ڈرامے کے لیے "ٹرننگ پوائنٹ” کہا، جبکہ کچھ لوگ اندازے لگا رہے ہیں کہ ان کا کردار آگے جا کر کیا موڑ لائے گا۔
فہد مصطفیٰ کا کیریئر ہمیشہ متاثر کن رہا ہے اور ان کا انداز ناظرین کو متوجہ کرتا ہے۔ ان کی شمولیت کو ڈرامے کی ریٹنگ بڑھانے کی ایک اسٹریٹجک چال سمجھا جا رہا ہے۔
دیکھنا یہ ہے کہ پرورش کی اگلی اقساط میں یہ نیا کردار کون سی کہانی لے کر آتا ہے!
