بالی ووڈ کے مسٹر پرفیکشنسٹ عامر خان نے حال ہی میں ممبئی کے پوش علاقے باندرہ میں ایک شاندار سی ویو اپارٹمنٹ کرایے پر حاصل کیا ہے، جو شاہ رخ خان کے گھر کے قریب واقع ہے۔ اطلاعات کے مطابق اس رہائش گاہ کا ماہانہ کرایہ تقریباً 80 لاکھ بھارتی روپے ہے۔
اس عمارت میں پہلے ہی کئی مشہور ستارے رہائش پذیر ہیں، اور اب عامر خان کی شمولیت نے اس کی چمک میں مزید اضافہ کر دیا ہے۔ مداحوں میں یہ چہ مگوئیاں بھی جاری ہیں کہ اب دونوں خانز کی ہمسائیگی شاید ان کے تعلقات کو مزید بہتر بنا دے۔
یاد رہے کہ ماضی میں دونوں کے درمیان سرد مہری رہی، مگر حالیہ برسوں میں ایک دوسرے کے لیے احترام اور قربت میں اضافہ دیکھنے کو ملا ہے۔
