نئی دہلی: بھارتی پولیس نے نوئیڈا میں چھ افراد کو گرفتار کر لیا ہے جو مبینہ طور پر جعلی کرائم انویسٹی گیشن بیورو چلا کر متاثرین سے "چندے” کے نام پر پیسے بٹور رہے تھے، حکام نے اتوار کو بتایا۔
پولیس کے مطابق ملزمان ایک کرائے کے دفتر سے “انٹرنیشنل پولیس اینڈ کرائم انویسٹی گیشن بیورو” کے نام سے کارروائیاں کر رہے تھے۔ دفتر کو پولیس جیسی رنگت اور لوگوز سے سجایا گیا تھا تاکہ سرکاری ادارہ دکھائی دے۔
تحقیقات میں پتہ چلا کہ ملزمان نے جعلی دستاویزات اور سرٹیفکیٹ تیار کیے، ایک جعلی ویب سائٹ بنائی اور انٹرپول سمیت مختلف بین الاقوامی اداروں سے تعلقات کا جھوٹا دعویٰ کیا۔ پولیس کے مطابق وہ اپنے آپ کو عوامی اہلکار ظاہر کرتے تھے تاکہ ساکھ حاصل کر سکیں۔
چھاپے کے دوران موبائل فونز، چیک بکس، جعلی مہر، اسٹیمپ سیل اور شناختی کارڈ برآمد کیے گئے۔
یہ کارروائی ایسے وقت میں ہوئی ہے جب چند ہفتے قبل ہی نئی دہلی کے قریب ایک شخص کو جعلی سفارتخانہ چلانے کے الزام میں گرفتار کیا گیا تھا۔ وہ کرائے کے مکان سے “ویسٹ آرکٹک ایمبیسی” چلا رہا تھا اور خود کو خیالی ممالک جیسے
