سڈنی: آسٹریلین بیگ بیش لیگ کی فرنچائز سڈنی سکسرز نے پاکستانی اسٹار بیٹر کی شاندار انداز میں آمد کا اعلان کردیا۔ سوشل میڈیا پر جاری کی گئی تصویر میں انہیں آفیشل پنک جرسی اور ہیلمٹ میں پیش کیا گیا ہے، جبکہ کپشن میں واضح الفاظ کے ساتھ لکھا گیا: “Babar has landed.”
فرنچائز کے آفیشل پیج پر شیئر کی گئی اس پوسٹ نے چند ہی گھنٹوں میں دھوم مچا دی، ہزاروں لائکس، کمنٹس اور شیئرز کے ساتھ آسٹریلیا میں بھی ان کے مداحوں کا جوش قابلِ دید تھا۔ سکسرز نے اپنے مختصر مگر پر اثر پیغام “Welcome to Sydney” کے ساتھ واضح کردیا کہ اس بار ان کی حکمتِ عملی اور توجہ مکمل طور پر ٹاپ آرڈر کو مضبوط بنانے پر ہے۔
فینز کا کہنا ہے کہ سکسرز کے رنگ میں ان کا یہ نیا روپ لیگ میں نئی چمک، نیا تاثر اور ٹیم کومبی نیشن میں نئی جان ڈال دے گا۔ آسٹریلوی کرکٹ حلقوں نے بھی ان کی آمد کو لیگ کے لیے بڑی خبر قرار دیا ہے۔
بیگ بیش میں ان کی موجودگی نہ صرف ٹیم کے لیے میچ وننگ صلاحیتیں لائے گی بلکہ لیگ کی ساکھ، کمرشل ویلیو اور عالمی سطح پر فالوونگ میں بھی نمایاں اضافہ متوقع ہے
