پاکستان کے وفاقی وزیرِ خزانہ محمد اورنگزیب نے واشنگٹن میں بین الاقوامی مالیاتی فنڈ (آئی ایم ایف) کے اعلیٰ حکام سے ملاقات کی، جس میں پاکستان کی مجموعی معاشی کارکردگی اور آئی ایم ایف پروگرام کے تحت جاری اصلاحات کا جائزہ لیا گیا۔
ملاقات میں توسیعی فنڈ سہولت (EFF)، ریزیلینس اینڈ سسٹین ایبلٹی فیسلٹی (RSF)، مالیاتی اصلاحات، اقتصادی استحکام اور پائیدار ترقی سے متعلق امور پر تفصیلی گفتگو ہوئی۔
وزیرِ خزانہ نے حکومت کی جانب سے معاشی استحکام، مالی نظم و ضبط اور اصلاحاتی اقدامات پر پیش رفت سے آگاہ کیا، جبکہ دونوں فریقین نے اصلاحاتی پروگرام کو مؤثر انداز میں جاری رکھنے کے عزم کا اظہار کیا۔
