گورنر سندھ کامران خان ٹیسوری نے اسلام آباد میں اسلامی جمہوریہ ایران کے سفارتخانے کا دورہ کیا، جہاں انہوں نے خطے میں حالیہ اسرائیلی جارحیت کے تناظر میں ایرانی عوام سے یکجہتی کا اظہار کیا۔
دورے کے دوران، گورنر نے اسرائیلی حملوں میں شہید ہونے والوں کو خراجِ عقیدت پیش کیا اور تعزیتی کتاب میں اپنے تاثرات قلم بند کیے۔
انہوں نے اسرائیلی حملوں کو عالمی امن کے لیے سنگین خطرہ قرار دیتے ہوئے ان کی شدید مذمت کی اور ایران کے سپریم لیڈر آیت اللہ علی خامنہ ای کی صحت اور درازیٔ عمر کے لیے نیک تمناؤں کا اظہار بھی کیا۔
ایرانی سفیر رضا امیری مقدم نے گورنر کو فریضۂ حج کی ادائیگی پر مبارکباد دی اور ان کے اعزاز میں ظہرانہ دیا۔ انہوں نے وزیراعظم شہباز شریف اور پاکستانی حکومت کا مشکل وقت میں تعاون پر شکریہ بھی ادا کیا۔
