دنیا بھر میں کروڑوں افراد چائے اور کافی پینا پسند کرتے ہیں اور طبی سائنس نے بھی ان کے کئی فوائد تسلیم کیے ہیں۔ ایک نئی تحقیق میں یہ بات سامنے آئی ہے کہ صبح کے وقت چائے یا کافی پینے سے انسان کا مزاج خوشگوار رہتا ہے۔
جرنل سائنٹیفک رپورٹس میں شائع ہونے والی تحقیق میں 236 نوجوان شامل تھے جنہیں چار ہفتوں تک روزانہ سوالنامے بھرنے کو کہا گیا۔ نتائج سے معلوم ہوا کہ چائے یا کافی پینے والوں میں ڈپریشن، انزائٹی یا نیند کے مسائل نہیں بڑھے بلکہ ان کا موڈ پہلے سے بہتر ہو گیا۔
ماہرین کا کہنا ہے کہ اگرچہ چائے اور کافی مثبت اثرات ڈال سکتی ہیں، لیکن کیفین کی زیادہ مقدار نقصان دہ ہو سکتی ہے اور رات کی نیند متاثر کر سکتی ہے، اس لیے اعتدال میں استعمال ضروری ہے۔
