نومبر 9، 2025
ویب ڈیسک
منیلا (فلپائن) سمندری طوفان "فنگ وونگ” اتوار کے روز شدت اختیار کرتے ہوئے سپر طوفان میں تبدیل ہو گیا ہے اور توقع ہے کہ یہ رات گئے فلپائن کے ساحل سے ٹکرا جائے گا۔
محکمۂ موسمیات کے مطابق طوفان کا دائرہ تقریباً پورے ملک تک پھیل چکا ہے، جبکہ جزیرہ کیٹانڈوانیس شدید بارشوں اور تیز ہواؤں کی زد میں ہے۔ ساحلی علاقوں میں سمندری لہریں سڑکوں تک پہنچ چکی ہیں، جس سے نشیبی علاقے زیرِ آب آ گئے ہیں۔
حکومت نے ہنگامی انتباہ جاری کرتے ہوئے شہریوں کو محفوظ مقامات پر منتقل ہونے کی ہدایت دی ہے۔ متعدد پروازیں منسوخ کر دی گئی ہیں اور تعلیمی ادارے بند کر دیے گئے ہیں۔ حکام کا کہنا ہے کہ یہ رواں سال کا سب سے طاقتور طوفان ثابت ہو سکتا ہے۔
