کراچی: TRG Pakistan نے اپنی کارکردگی اور کامیابیوں کا جائزہ پیش کرتے ہوئے کہا ہے کہ کمپنی نے گزشتہ برسوں کے دوران شیئر ہولڈرز، ملازمین اور معیشت کے لیے نمایاں فوائد فراہم کیے ہیں۔
"The Company We Built, and What It Has Delivered” کے عنوان سے جاری بیان میں کمپنی نے اپنی ترقی کے سفر کو اجاگر کرتے ہوئے کہا کہ اس نے ٹیکنالوجی اور آؤٹ سورسنگ کے شعبوں میں سرمایہ کاری کے ذریعے عالمی سطح پر نمایاں مقام حاصل کیا۔ کمپنی کے مطابق اس کی حکمت عملی تیزی سے ترقی کرنے والے کاروباری مواقع کی نشاندہی اور انہیں عالمی معیار کے اداروں میں تبدیل کرنے پر مبنی رہی ہے۔
TRG کا کہنا ہے کہ اس کی مختلف کمپنیوں نے ہزاروں ملازمتیں پیدا کیں اور پاکستان کے ٹیکنالوجی سیکٹر کی ترقی میں اہم کردار ادا کیا۔ مصنوعی ذہانت، ڈیجیٹل سروسز اور کسٹمر ایکسپیرینس کے شعبوں میں سرمایہ کاری نے کمپنی کو عالمی ٹیکنالوجی مارکیٹ میں مضبوط مقام دلانے میں مدد دی۔
کمپنی کے حکام کے مطابق TRG نے بین الاقوامی سرمایہ کاروں کو پاکستان کی صلاحیتوں سے متعارف کرانے اور ملکی کاروباری صلاحیت کو عالمی سطح پر اجاگر کرنے میں بھی کردار ادا کیا ہے۔ انہوں نے کہا کہ مسلسل جدت اور اسٹریٹجک سرمایہ کاری مستقبل میں بھی ترقی کے نئے مواقع پیدا کرے گی
