امریکی صدر ڈونلڈ ٹرمپ نے کہا ہے کہ پاکستان اور افغانستان کے درمیان جاری سرحدی کشیدگی کو ختم کرنا ان کے لیے "بہت آسان” ہے۔
اوول آفس میں صحافیوں سے گفتگو کرتے ہوئے ٹرمپ نے کہا کہ وہ موجودہ صورتحال سے بخوبی آگاہ ہیں اور انہیں جنگیں رکوانا پسند ہے۔
’’مجھے جنگیں رکوانا پسند ہے، پاکستان اور افغانستان کے درمیان جو کچھ ہو رہا ہے، اسے ختم کرنا میرے لیے بہت آسان ہے،‘‘ انہوں نے کہا۔
امریکی صدر نے اس موقع پر پاک-بھارت جنگ بندی کا بھی ذکر کیا۔ ان کا کہنا تھا کہ
’’وزیراعظم شہباز شریف نے مجھ سے کہا کہ میں نے پاک بھارت جنگ ختم کرکے لاکھوں جانیں بچائیں۔‘‘
ٹرمپ کے یہ بیانات ایسے وقت میں سامنے آئے ہیں جب پاکستان اور افغانستان کے درمیان کشیدگی میں اضافہ ہوا ہے، اور عالمی برادری دونوں ممالک پر تحمل اور مذاکرات پر زور دے رہی ہے۔
