اسلام آباد انٹرنیشنل ایئرپورٹ پر ایف آئی اے امیگریشن نے کارروائی کرتے ہوئے جعلی دستاویزات کے ذریعے یورپ جانے کی کوشش کرنے والے مسافر کو آف لوڈ کر دیا۔ ترجمان کے مطابق امیگریشن کلیرنس کے دوران مسافر کے کاغذات کو مشکوک پایا گیا۔
ترجمان ایف آئی اے کا کہنا ہے کہ مسافر احمد رضا فلائٹ PK-749 کے ذریعے فرانس روانہ ہونا چاہتا تھا، تاہم دستاویزات کی جانچ پڑتال کے دوران مشتبہ ہونے پر مزید تصدیق کی گئی۔
تحقیق کے دوران یہ بات سامنے آئی کہ مسافر کا پیش کردہ پولینڈ کا ریزیڈنٹ کارڈ جعلی ہے۔ بعد ازاں اسے قانونی کارروائی کے لیے ایف آئی اے اینٹی ہیومن ٹریفکنگ سرکل اسلام آباد کے حوالے کر دیا گیا۔
