ایک نئی تحقیق میں انکشاف ہوا ہے کہ جو افراد زیادہ مقدار میں الٹرا پروسیسڈ غذا کھاتے ہیں، ان میں پھیپھڑوں کے کینسر کا خطرہ 41 فیصد زیادہ ہوتا ہے، چاہے وہ سگریٹ نوشی نہ کرتے ہوں۔
الٹرا پروسیسڈ غذاؤں میں چپس، پیک شدہ دہی، آئس کریم، تیار شدہ کھانے اور فیکٹری یا ہوٹل کی بنی اشیاء شامل ہوتی ہیں۔
تحقیق میں امریکا کے 1,706 افراد کا 12 سال تک مشاہدہ کیا گیا۔ نتائج سے پتہ چلا کہ جو لوگ روزانہ زیادہ پروسیسڈ غذا کھاتے تھے، ان میں پھیپھڑوں کے کینسر کا خطرہ واضح طور پر زیادہ تھا۔
ماہرین کے مطابق سبزیاں، پھل، دالیں اور اناج کھانا زیادہ بہتر ہے، اور الٹرا پروسیسڈ غذا کا استعمال کم کرنا چاہیے۔
پہلے بھی کئی تحقیقات سے ثابت ہوا ہے کہ ایسی غذائیں موٹاپے، دل کے امراض، ذیابیطس اور ذہنی دباؤ جیسے مسائل سے بھی تعلق رکھتی ہیں۔
