دل کی صحت کو بہتر رکھنے کے لیے متوازن اور غذائیت سے بھرپور خوراک انتہائی ضروری ہے۔ ماہرین صحت کے مطابق کچھ غذائیں دل کو مضبوط بنانے اور بیماریوں کے خطرے کو کم کرنے میں مدد کرتی ہیں۔
مچھلی جیسے سالمن اور سارڈینز اومیگا 3 فیٹی ایسڈز سے بھرپور ہوتی ہیں جو دل کی سوزش کم کرتی ہیں۔ جئی (oats) اور دیگر مکمل اناج کولیسٹرول کم کرنے میں مدد دیتے ہیں۔
پھل اور سبزیاں خاص طور پر بیریز اور سبز پتوں والی سبزیاں خون کی روانی بہتر کرتی ہیں اور اینٹی آکسیڈنٹس فراہم کرتی ہیں۔
بادام، اخروٹ اور دیگر خشک میوہ جات صحت مند چکنائی فراہم کرتے ہیں جبکہ دالیں اور پھلیاں دل کی کارکردگی کو بہتر بناتی ہیں۔
ماہرین مشورہ دیتے ہیں کہ پراسیسڈ فوڈ، زیادہ نمک اور میٹھے مشروبات سے پرہیز کیا جائے تاکہ دل کی بیماریوں کا خطرہ کم ہو سکے۔
