رحیم یار خان: ضلع رحیم یار خان کے علاقے کوٹ سمابہ میں پولیس مقابلے کے دوران پانچ مبینہ ڈاکو ہلاک ہو گئے۔
پولیس ذرائع کے مطابق ڈسٹرکٹ پولیس آفیسر عرفان علی سموں نے بتایا کہ ڈاکو ایک شہری سے 6 لاکھ روپے لوٹ کر کوٹ سمابہ کی جانب فرار ہو رہے تھے کہ پولیس نے ان کا تعاقب کیا، جس دوران فائرنگ کا تبادلہ ہوا۔
ڈی پی او کے مطابق ہلاک ہونے والے ڈاکوؤں کی فوری طور پر شناخت نہیں ہو سکی، جبکہ کچے کے علاقے میں جرائم پیشہ عناصر کے خلاف آپریشن بدستور جاری ہے۔
پولیس کا کہنا ہے کہ واقعے سے متعلق مزید تفتیش کی جا رہی ہے۔
