لاہور: بی بی پاک دامن کے انچارج سید تحسین گیلانی نے اپنی ٹیم کے ہمراہ کارروائی کرتے ہوئے شیرا کوٹ کے علاقے سے سی سی ٹی وی فوٹیج کی مدد سے دو خواتین ملزمان کو گرفتار کر لیا۔
پولیس کے مطابق سی سی ٹی وی فوٹیج میں خواتین ملزمان کو شہری خواتین کی بالیاں نوچتے ہوئے دیکھا جا سکتا ہے۔ گرفتاری کے دوران ملزمان سے نوچی ہوئی بالیاں اور دربار سے چوری کیا گیا موبائل فون بھی برآمد کر لیا گیا۔
پولیس حکام کا کہنا ہے کہ گرفتار خواتین سے تقریباً دو لاکھ روپے مالیت کا چوری شدہ سامان برآمد ہوا ہے۔ ملزمان شبانا اور ممتاز چوری کے مقدمات میں سابقہ ریکارڈ یافتہ ہیں۔
ملزمان کے خلاف مقدمہ درج کر کے مزید تفتیش کا آغاز کر دیا گیا ہے۔
ایس پی سول لائنز چوہدری اثر علی کا کہنا ہے کہ عوام الناس کی جان و مال کا تحفظ پولیس کی اولین ترجیح ہے۔
