وفاقی وزیر صحت مصطفیٰ کمال سے پاکستان فارماسیوٹیکل مینوفیکچررز ایسوسی ایشن (پی پی ایم اے) کے وفد نے ملاقات کی، جس میں مقامی سطح پر دوا سازی، برآمدی امکانات اور ڈرگ رولز میں اصلاحات پر تفصیلی تبادلہ خیال کیا گیا۔
ملاقات کے دوران افغانستان کے ساتھ تجارتی معاہدوں اور ایکٹیو فارماسیوٹیکل انگریڈینٹس (API) کی ملک میں تیاری کے امکانات پر بھی گفتگو ہوئی۔ اس موقع پر وفاقی وزیر صحت نے زور دیا کہ ایکٹیو انگریڈینٹس کی مقامی پیداوار کو یقینی بنایا جائے تاکہ قیمتی زرمبادلہ بچایا جا سکے۔
مصطفیٰ کمال نے اس بات پر زور دیا کہ پاکستان کی فارما انڈسٹری میں بے پناہ صلاحیت موجود ہے اور حکومت اس شعبے کی برآمدات میں اضافے کے لیے مؤثر اقدامات کر رہی ہے۔
