کراچی: شہر قائد میں فائرنگ کے دو الگ الگ واقعات پیش آئے جن میں خاتون سمیت دو افراد زخمی ہوگئے۔
نیو کراچی کے خمیسو گوٹھ میں نامعلوم ملزمان کی فائرنگ سے ایک خاتون زخمی ہوئی، جسے ریسکیو اہلکاروں نے موقع پر پہنچ کر فوری طبی امداد کے لیے اسپتال منتقل کردیا۔
دوسرا واقعہ سپر ہائی وے نیو سبزی منڈی میں دعا ریسٹورنٹ کے قریب پیش آیا، جہاں فائرنگ سے ایک شخص زخمی ہوا۔ اسے عباسی شہید اسپتال منتقل کردیا گیا ہے۔
پولیس نے دونوں واقعات کی تحقیقات شروع کر دی ہیں۔
