کراچی: شہر قائد میں رات گئے فائرنگ اور پرتشدد واقعات کے دوران تین افراد جاں بحق ہوگئے۔
پولیس کے مطابق پاک کالونی کے علاقے میں فائرنگ کے نتیجے میں ایک شخص جاں بحق ہوا جبکہ نامعلوم ملزم موقع سے فرار ہوگیا۔
اسی طرح لیاری بغدادی میں بھی فائرنگ کا واقعہ پیش آیا، جس کے باعث ایک شخص جان کی بازی ہار گیا اور ایک زخمی ہوگیا۔ پولیس نے واقعے کی ذاتی دشمنی کا شبہ ظاہر کیا ہے۔
دوسری جانب قائد آباد میں جھگڑے کے دوران ایک شخص کو قتل کردیا گیا۔ پولیس کے مطابق واقعے کی تحقیقات جاری ہیں اور ملزمان کی تلاش کے لیے کارروائی شروع کر دی گئی ہے
