لاہور – گلبرگ کے علاقے میں 13 سالہ بچے سے زیادتی کی کوشش کرنے والا ملزم پولیس کی گرفت میں آگیا۔ ترجمان کے مطابق متاثرہ بچہ عرفان گھر کا سامان لینے مین مارکیٹ گیا تھا جہاں ملزم نے اُسے بہلا پھسلا کر کنال روڈ پر واقع ایک مکان میں لے جا کر زیادتی کی کوشش کی۔ بچے کے شور مچانے پر ملزم موقع سے فرار ہوگیا۔
غالب مارکیٹ پولیس نے واقعے کی اطلاع ملنے پر فوری کارروائی کرتے ہوئے جدید ٹیکنالوجی کی مدد سے ملزم فضل کو گرفتار کرلیا۔ پولیس کے مطابق ملزم کے خلاف مقدمہ درج کرکے اُسے جینڈر سیل کے حوالے کردیا گیا ہے۔
ایس پی ماڈل ٹاؤن نے واقعے پر شدید برہمی کا اظہار کرتے ہوئے کہا کہ بچوں کے استحصال میں ملوث عناصر کسی رعایت کے مستحق نہیں، ان کے خلاف قانون کے مطابق سخت کارروائی عمل میں لائی جائے گی۔
