راولپنڈی: پولیس نے شاپنگ مالز اور سپر اسٹورز سے چوری کرنے والے ملزم کو گرفتار کر لیا۔
پولیس کے مطابق گرفتار ملزم نے شہر کے تین مختلف مالز اور سپر اسٹورز میں چوری کی وارداتیں کی تھیں۔ ملزم واردات کے لیے اسٹورز میں چھپ جاتا تھا اور بند ہونے کے بعد چوری کرتا تھا۔
پولیس کا کہنا ہے کہ ملزم بند اسٹورز کے تالے توڑ کر بھی چوری کی وارداتیں کرتا رہا۔ سی سی ٹی وی فوٹیجز اور ہیومن انٹیلی جنس کی مدد سے ملزم کو ٹریس کرکے گرفتار کیا گیا۔
پولیس کے مطابق گرفتار ملزم سے 32 لاکھ روپے کی نقدی اور دیگر سامان برآمد کیا گیا ہے۔ اس کے خلاف تھانہ صادق آباد میں مقدمہ درج کر کے مزید تفتیش شروع کر دی گئی ہے۔
