راولپنڈی میں تیسرے میچ کا ٹاس سری لنکا نے جیت کر پہلے بیٹنگ کا فیصلہ کر لیا ہے۔ پچ رپورٹ کے مطابق وکٹ پر بے شمار کریکس، خشکی اور اسپائکس موجود ہیں، جو بلے بازوں کے لیے شروعات میں خاصی مشکل پیدا کر سکتے ہیں۔ اگر بعد میں اوس پڑی تو صورتحال مزید بدل سکتی ہے، اسی لیے پہلے بیٹنگ کرنا سری لنکن کپتان کو فائدہ مند لگا۔
پاکستانی کپتان سلمان آغا نے کہا کہ وہ خود پہلے بیٹنگ کرنا چاہتے تھے تاکہ بڑا اسکور بنا کر حریف ٹیم کو دباؤ میں لائیں، مگر اب وہ نئی صورتحال کے مطابق کھیلنے کے لیے تیار ہیں۔ انہوں نے بتایا کہ یہ گراؤنڈ ہمیشہ ہائی اسکورنگ رہا ہے، اور ٹیم اس وکٹ پر کئی میچ کھیل چکی ہے۔
سب سے بڑی خبر یہ ہے کہ شاہین شاہ آفریدی آج نہیں کھیل رہے، اور ان کی جگہ محمد وسیم جونیئر کو شامل کیا گیا ہے۔ سلمان آغا نے اعتراف کیا کہ وکٹ اس بار روایتی پنڈی وکٹ جیسی نہیں لگ رہی، اس لیے مجموعہ بتانا مشکل ہے، تاہم کوشش یہی ہو گی کہ سری لنکا کو کم سے کم رنز تک محدود رکھا جائے۔
سری لنکا نے بھی اپنی پلیئنگ الیون کا اعلان کر دیا ہے جس میں پاتھم نسانکا، کوسل مینڈس، کامل مشارہ، کوسل پریرا اور داسن شانا کا شامل ہیں۔ مہمان ٹیم پُراُمید ہے کہ پنڈی کی بیٹنگ فرینڈلی کنڈیشنز میں بڑا ٹوٹل کھڑا کر سکے گی
