پشاور، اسلام آباد موٹروے پر ہنڈ کے مقام پر دریائے سندھ پل کے قریب ایک خوفناک ٹریفک حادثہ پیش آیا، جس میں ایک ہی خاندان کے 4 افراد جاں بحق جبکہ 7 افراد زخمی ہو گئے۔
تفصیلات کے مطابق، اتوار کی شام ایک خاندان کے 11 افراد پشاور سے اسلام آباد جا رہے تھے۔ جب وہ ہنڈ کے قریب دریائے سندھ پل کے پاس پہنچے تو تیز رفتاری کے باعث ان کی کار بے قابو ہو گئی اور وہ آگے جا رہی ایک ٹریلر سے ٹکرا گئی۔
حادثے میں ارسلان، عامر، اور دو خواتین (ف) اور (الف) موقع پر جاں بحق ہو گئیں۔ جبکہ زخمیوں میں جنید، حمدان، مسکان، نسرین، بریرہ، فرشتہ، اور تین بچیاں شامل ہیں جو شدید زخمی ہو گئیں۔
حادثے کی اطلاع ملتے ہی ریسکیو 1122 صوابی کی میڈیکل ٹیم فوراً جائے حادثہ پر پہنچی۔ ریسکیو اہلکاروں نے زخمیوں کو موقع پر ابتدائی طبی امداد دی اور بعد ازاں انہیں باچا خان ہسپتال شاہ منصور صوابی منتقل کر دیا جہاں ان کا علاج جاری ہے۔ جاں بحق افراد کی میتیں بھی ہسپتال منتقل کر دی گئی ہیں۔
