Dubai جانے کے خواہشمند افراد اب تیز رفتار پراسیس کے ذریعے صرف 48 گھنٹوں میں سیاحتی ویزا حاصل کر سکتے ہیں۔
سفری ماہرین کے مطابق درخواست دہندگان کو ویزا حاصل کرنے کے لیے کارآمد پاسپورٹ، پاسپورٹ سائز تصاویر، سفری تفصیلات اور دیگر ضروری دستاویزات جمع کروانا ہوں گی۔ حکام کا کہنا ہے کہ اگر تمام کاغذات مکمل اور درست ہوں تو ویزا درخواست پر دو دن کے اندر کارروائی مکمل کر لی جاتی ہے۔
حکام نے شہریوں کو مشورہ دیا ہے کہ وہ صرف لائسنس یافتہ ٹریول ایجنٹس اور منظور شدہ ویزا سینٹرز کے ذریعے درخواست جمع کروائیں تاکہ دھوکہ دہی یا تاخیر سے بچا جا سکے۔ ویزا فیس اور پراسیسنگ کا وقت ویزا کی نوعیت اور مدت کے مطابق مختلف ہو سکتا ہے۔
سفری شعبے سے وابستہ افراد کا کہنا ہے کہ دبئی سیاحت، خریداری اور کاروباری سرگرمیوں کے لیے دنیا بھر کے مسافروں کی پسندیدہ منزل بنا ہوا ہے، جس کے باعث سیاحتی ویزوں کی طلب میں مسلسل اضافہ دیکھا جا رہا ہے۔
