ریاض: سعودی عرب نے غیر ملکی ورکرز کے لیے فوری ورک ویزا کے نئے قواعد کا اعلان کیا ہے، جن کا مقصد بھرتی کے عمل کو مزید آسان اور تیز بنانا ہے۔
سرکاری ذرائع کے مطابق نئے نظام کے تحت ورک ویزا کے اجرا کا وقت کم کیا جائے گا اور ہنر مند و نیم ہنر مند افراد کی بھرتی کے عمل کو زیادہ مؤثر بنایا جائے گا۔ یہ اقدام مملکت میں لیبر مارکیٹ کو جدید بنانے اور اقتصادی اصلاحات کے تحت مختلف شعبوں میں بہتری لانے کی کوششوں کا حصہ ہے۔
حکام کے مطابق نئے قواعد سے نہ صرف کمپنیوں کو فائدہ ہوگا بلکہ بیرون ملک ملازمت کے خواہشمند افراد کے لیے بھی ویزا کا عمل زیادہ شفاف اور تیز ہو جائے گا۔ تاہم، تصدیق اور ضابطہ کاری کے سخت معیار برقرار رکھے جائیں گے۔
