عید الاضحیٰ کے موقع پر مصالحے دار اور غیر معیاری کھانے کے استعمال کے باعث 600 سے زائد افراد معدے کی بیماری (گیسٹرو) میں مبتلا ہو کر الائیڈ، سول اور جنرل اسپتالوں میں داخل کر دیے گئے۔
پیر کے روز طبی ماہرین نے عوام کو خبردار کیا کہ وہ چکنا اور مصالحے دار کھانوں کے زیادہ استعمال سے گریز کریں اور کھانے کی تیاری میں صفائی کا خاص خیال رکھیں۔ ڈاکٹروں کا کہنا تھا کہ "اعتدال اور صفائی ہی معدے کی بیماریوں سے بچاؤ کا بہترین طریقہ ہے۔”
عید کے دوران روایتی بھاری اور مصالحے دار کھانوں کے استعمال میں اضافہ ان بیماریوں کا اہم سبب قرار دیا جا رہا ہے۔
دوسری جانب، قربانی کے دوران جانور ذبح کرتے ہوئے 150 سے زائد نا تجربہ کار افراد زخمی ہو گئے، جنہیں فوری طور پر ایمرجنسی وارڈز میں منتقل کیا گیا۔
