کراچی کے جناح اسپتال میں اینٹی بائیوٹک سمیت اہم ادویات دستیاب نہیں ہیں۔ اسپتال ذرائع کے مطابق مختلف انفیکشنز میں مبتلا مریضوں کے لیے اینٹی بائیوٹک کی ضرورت ہے۔
ایگزیکٹو ڈائریکٹر جناح اسپتال پروفیسر ڈاکٹر شاہد رسول نے میڈیا سے گفتگو کرتے ہوئے بتایا کہ ادویات کی خریداری کا معاہدہ 30 جون کو ختم ہو چکا ہے۔
اُنہوں نے بتایا کہ روزانہ 2 ہزار سے زائد مریض ایمرجنسی میں آتے ہیں، مریضوں کو جان بچانے والی ادویات فراہم کر رہے ہیں، ادویات کی خریداری کے لیے معاہدے کی تجدید ضروری ہے۔
