لاہور، 27 اگست 2025 — لاہور کے علاقے ہیئر (حربنس پورہ) میں گھریلو ناچاقی کے باعث پیش آنے والے افسوسناک واقعے میں دو خواتین، ایک بچہ اور ایک بزرگ کو چھریوں کے وار سے قتل کر دیا گیا۔
پولیس کے مطابق، ملزم عمران نے اپنی بیوی فوزیہ، 14 سالہ بیٹی زینب، 15 سالہ بھتیجے رضا اور 55 سالہ سسر مرزا کو قتل کرنے کے بعد موقع سے فرار ہو گیا۔
واقعے کی اطلاع ملتے ہی پولیس کی بھاری نفری اور امدادی ٹیمیں جائے وقوعہ پر پہنچ گئیں اور لاشوں کو ضروری قانونی کارروائی کے لیے اسپتال منتقل کر دیا گیا۔
ایس پی کینٹ قاضی علی رضا نے بتایا کہ فرانزک ٹیم نے جائے وقوعہ سے شواہد اکٹھے کر لیے ہیں۔ مقتولہ کے بھائی ندیم کی مدعیت میں ملزم عمران کے خلاف مقدمہ درج کر لیا گیا ہے۔ ملزم کی گرفتاری کے لیے خصوصی ٹیم تشکیل دے دی گئی ہے اور مختلف مقامات پر چھاپے مارے جا رہے ہیں۔
ایس پی کینٹ نے مزید کہا کہ قانون ہاتھ میں لینے والوں سے سختی سے نمٹا جائے گا، ملزم کو جلد گرفتار کر کے عدالت میں پیش کیا جائے گا اور اسے قانون کے مطابق سزا دلائی جائے گی۔
