اہور (7 ستمبر 2025) — علامہ اقبال انٹرنیشنل ایئرپورٹ پر کسٹمز حکام نے دبئی سے آنے والی پرواز کے مسافر کی جانب سے چاندی اسمگل کرنے کی کوشش ناکام بنا دی۔
ترجمان کے مطابق اوکاڑہ کے رہائشی محمد شفیق کے سامان اور جامہ تلاشی کے دوران سات کلوگرام چاندی برآمد ہوئی، جسے اس نے خصوصی جیکٹ کی صورت میں قمیض کے نیچے چھپا رکھا تھا۔
برآمد ہونے والی چاندی کی مالیت 26 لاکھ روپے سے زائد بتائی جاتی ہے، جبکہ ملزم کے پاس اس کی کوئی قانونی دستاویز بھی موجود نہیں تھی۔
کسٹمز حکام نے ملزم کو گرفتار کرکے مقدمہ درج کرلیا ہے اور مزید تحقیقات جاری ہیں
