بنگلا دیش میں 5 کروڑ بچوں کےلیے ٹائیفائیڈ سے بچاؤ کی قومی ویکسین مہم کا آغاز کر دیا گیا جس کا مقصد جان لیوا بیماری سے بچوں کا تحفظ یقینی بنانا ہے۔
ملک گیر مہم کے دوران 9 ماہ سے 15سال تک کے 5کروڑ بچوں کو ایک خوراک دی جائے گی۔
ویکسین عالمی ادارہ صحت سے منظور شدہ ٹائیفائیڈ کنجوگیٹ ویکسین ’ٹی سی وی‘ ہے یہ ویکسین 5سال تک مؤثر تحفظ فراہم کرتی ہے جو حکومت مفت فراہم کرےگی۔
مہم حکومت کے ایکسپینڈڈ پروگرام آن امیونائزیشن کے تحت شروع کی گئی ہے۔ ٹائیفائیڈ جنوبی ایشیا میں تیزی سے پھیلنے والی اینٹی بائیوٹک مزاحم بیماری بن چکی ہے۔ پاکستان 2016 سے ایسی مزاحم قسم سے نمٹ رہا ہے جو تمام ادویات کیخلاف مزاحمت رکھتی ہے۔
بنگلا دیشی ماہرین نےحال ہی میں سیفٹرائیکسون مزاحم اقسام دریافت کی ہیں۔ ٹائیفائیڈ کی سیفٹرائیکسون مزاحم تشویشناک پیشرفت ہے۔
