غیر ملکی ائیرلائن کی پرواز میں آنے والے مسافر میں منکی پاکس وائرس کی علامات سامنے آئی ہیں۔
ائیر پورٹ ذرائع کے مطابق مسافر غیر ملکی ائیر لائن کی پرواز کے ذریعے سعودی عرب سے کراچی آیا تھا جہاں ائیر پورٹ پر مسافر کی منکی پاکس وائرس جانچنے کے لیے اسکریننگ کی گئی۔
ائیر پورٹ ذرائع کا بتانا ہے کہ اسکریننگ کے دوران مسافر کو بخار اور جسم پر دانے تھے جب کہ مسافر نے 5 روز سے مسلسل بخار ہونےکی شکایت کی ہے۔
ائیر پورٹ ذرائع کے مطابق مسافر کو منکی پاکس وائرس علامات پر سندھ حکومت نے انفیکشن ڈیزیز اسپتال نیپا منتقل کردیا۔
