ڈائریکٹر جنرل ہیلتھ سندھ نے ڈینگی کی صورتحال سے متعلق یومیہ رپورٹ جاری کر دی۔
رپورٹ کے مطابق سندھ بھر کے سرکاری ہسپتالوں میں ڈینگی کے 77 نئے مریض داخل ہوئے جب کہ نجی ہسپتالوں میں ڈینگی کے مزید 54 مریض زیر علاج ہیں، صوبے بھر میں ڈینگی کے مجموعی داخل مریضوں کی تعداد 109 ہوگئی۔
اِسی طرح کراچی ڈویژن کے سرکاری ہسپتالوں میں ڈینگی کے 32 مریض سامنے آئے، حیدرآباد میں 28 نئے مریض داخل ہوئے ،ہسپتالوں میں 67 مریض صحت یاب ہو کر اپنے گھروں کو روانہ ہو چکے ہیں۔
دوسری جانب رپورٹ میں بتایا گیا کہ نجی ہسپتالوں میں 59 مریض صحت یاب ہوئے، سندھ میں ڈینگی سے ایک ہلاکت رپورٹ ہوئی ہے، اس کے علاوہ سرکاری و نجی لیبارٹریز میں 4101 افراد کے ڈینگی ٹیسٹ کئے گئے، لیبارٹری رپورٹس کے مطابق 449 افراد کے ٹیسٹ مثبت آ ئے۔
ڈائریکٹر جنرل ہیلتھ سندھ کا مزید کہنا تھا کہ مثبت مریضوں میں کراچی کی لیبارٹریوں میں سب سے زیادہ 215 ، حیدرآباد کی لیبارٹریز میں 234 کیسز مثبت آئے۔
