ٹی20 ٹرائی نیشن سیریز کے اہم فائنل میں پاکستان نے ٹاس جیتتے ہی سری لنکا کو پہلے بیٹنگ کی دعوت دے دی۔
پاکستان نے فائنل کے لیے اپنی الیون میں ایک تبدیلی کی ہے۔ فاسٹ بولر شاہین شاہ آفریدی دوبارہ ٹیم کا حصہ بنے ہیں جبکہ محمد وسیم جونیئر کو باہر بٹھا دیا گیا ہے۔
دوسری جانب سری لنکا نے اپنی فاتح ٹیم کو برقرار رکھتے ہوئے کوئی تبدیلی نہیں کی۔
ٹاس کے دوران قومی ٹیم کے کپتان سلمان علی آغا نے کہا کہ پچ عام پنڈی کی وکٹ سے کچھ مختلف ہے، تاہم 160 سے 170 رنز کا مجموعہ قابلِ دفاع سمجھا جائے گا۔ ان کے مطابق ٹیم کو بس اپنی بہترین کرکٹ کھیلنے کی ضرورت ہے۔
سری لنکن کپتان داسن شاناکا کا کہنا تھا کہ ٹھنڈا موسم ان کے لیے مسئلہ نہیں کیونکہ ٹیم ایسی کنڈیشنز کی عادی ہے۔ انہوں نے کہا کہ اگر بیٹنگ میں 160 سے اوپر اسکور مل جائے تو وہ اسے اضافی فائدہ تصور کریں گے۔ سری لنکن ٹیم بغیر تبدیلی کے میدان میں اتری ہے۔
یاد رہے کہ سری لنکا نے پہلے زمبابوے اور پھر گروپ مرحلے کے آخری میچ میں پاکستان کو شکست دے کر فائنل تک رسائی حاصل کی تھی۔
گزشتہ روز دونوں کپتانوں نے ایک مقامی ہوٹل میں ٹرافی کے ساتھ فوٹو سیشن بھی کیا تھا۔
