لیکچر کے دوران ٹیچر کے اچانک دل کا دورہ پڑنے سے انتقال کے واقعہ کی ویڈیو سامنے آنے پر ماہرین طب اور سوشل میڈیا صارفین نے نوجوانوں میں ہارٹ اٹیک کے بڑھتے واقعات پر گہری تشویش کا اظہار کیا ہے۔
کارڈیالوجسٹ پروفیسر ڈاکٹر زبیر اکرم نے ٹیچر کے ہارٹ اٹیک کی وجوہات بتا دی۔ انہوں نے کہا کہ ایسی اچانک ہارٹ اٹیک سے موت ہونا ہزار میں سے ایک واقعہ ہوتا ہے ٹیچر نیاز احمد کو اچانک ہارٹ اٹیک ہونا 2 وجوہات کی بنا پر ہوا۔
ٹیچر نیاز احمد کی فیملی کی امراض قلب کی ہسٹری موجود ہے اور دوسری وجہ دل کی شریانوں کی تنگی سے کلاٹ آکر شریان میں پھنس گیا ہو۔
ڈاکٹرزبیر نے کہا کہ ٹیچر کو ہارٹ اٹیک کے فوری بعد سی پی آر دینے سے زندگی بچائی جا سکتی تھی ہمیں بچوں اور اساتذہ کو سی پی آرکی ٹریننگ دینا ضروری ہے۔
