کراچی (27 جون):
محکمہ موسمیات نے آئندہ 24 گھنٹوں کے دوران کراچی سمیت سندھ بھر میں تیز ہواؤں اور گرج چمک کے ساتھ بارش کی پیشگوئی کر دی ہے۔
محکمہ موسمیات کے مطابق، کراچی، حیدرآباد، دادو، بدین، گھوٹکی، کشمور، جیکب آباد،کراچی سمیت سندھ کے مختلف شہروں میں گرج چمک کے ساتھ بارش کی پیشگوئی تھرپارکر، میرپورخاص، عمرکوٹ، خیرپور، سکھر، لاڑکانہ، قمبر شہدادکوٹ اور شہید بے نظیرآباد سمیت دیگر علاقوں میں بارش ہونے کا امکان ہے۔
محکمہ موسمیات کا کہنا ہے کہ بعض مقامات پر موسلا دھار بارش بھی متوقع ہے جس کے باعث نشیبی علاقے زیر آب آ سکتے ہیں۔شہریوں کو ہدایت کی گئی ہے کہ بارش اور تیز ہواؤں کے دوران احتیاطی تدابیر اختیار کریں تاکہ کسی قسم کے حادثے سے بچا جا سکے۔
کراچی میں رواں ہفتے گرمی کی شدت میں بھی اضافہ دیکھا گیا تھا، تاہم بارش کے بعد موسم میں خوشگوار تبدیلی کا امکان ہے۔
