ڈی ایچ اے فیز 5 زمزمہ پارک کے قریب گاڑی نمبر AJS-235 (سوزوکی مہران، 2005 ماڈل، سلور) دوپہر 2:50 پر چوری ہوئی جس کی اطلاع مالِک عارف ولد محمد صدیق نے تھانہ کلفٹن میں درج کرائی۔
ایس ایچ او کلفٹن کی سربراہی میں پولیس نے فوری طور پر سرچ آپریشن شروع کیا اور انٹیلیجنس ٹیم کے تعاون سے گاڑی کو E اسٹریٹ، فیز 5 ڈی ایچ اے سے کامیابی سے برآمد کرلیا۔
تمام قانونی تقاضے مکمل کرنے کے بعد گاڑی اصل مالِک کے حوالے کردی گئی۔ سی سی ٹی وی کی مدد سے ملزمان کی شناخت ہوچکی ہے اور گرفتاری کے لیے کوششیں جاری ہیں۔
