فیصل آباد میں مونگ پھلی اٹھا کر کھانے سے منع کرنے پر ایک گاہک نے مونگ پھلی فروش کو فائرنگ کر کے قتل کر دیا۔
یہ واقعہ فیصل آباد کی ڈی ٹائپ کالونی میں پیش آیا۔ پولیس کے مطابق ملزم مدثر نے بغیر پیسے دیے ریڑھی سے مونگ پھلی اٹھا کر کھائی۔ جب ریڑھی والے نے منع کیا تو ملزم نے فائرنگ کر دی۔
فائرنگ کے نتیجے میں ریڑھی والا موقع پر ہی جاں بحق ہو گیا جبکہ اس کا بھائی زخمی ہو گیا، جسے طبی امداد کے لیے قریبی اسپتال منتقل کر دیا گیا۔
واقعے کے بعد مقتول کے ورثا نے احتجاج کیا۔ پولیس کا کہنا ہے کہ مقدمہ درج کر لیا گیا ہے جبکہ نامزد ملزم کی گرفتاری کے لیے چھاپے مارے جا رہے ہیں۔
