لاہور: شیراکوٹ پولیس نے کارروائی کرتے ہوئے سوتیلی بیٹی سے زیادتی کرنے والے ملزم کو گرفتار کرلیا۔
پولیس کے مطابق ملزم عبداللہ نے عاصمہ نامی خاتون سے دوسری شادی کی تھی جو کریم اسٹریٹ سوڈیوال میں رہائش پذیر تھی۔ عاصمہ کی بڑی بیٹی پہلے شوہر سے ہے، جسے ملزم مبینہ طور پر اپنی ہوس کا نشانہ بناتا رہا اور دھمکی دیتا رہا کہ اگر ماں کو بتایا تو جان سے مار ڈالے گا۔
ایس پی اقبال ٹاؤن ڈاکٹر محمد عمر نے بتایا کہ بیوی کی مدعیت میں مقدمہ درج کرکے ملزم کو بروقت کارروائی کرتے ہوئے گرفتار کرلیا گیا ہے۔ انہوں نے مزید کہا کہ عورتوں اور بچوں کے ساتھ زیادتی کسی صورت برداشت نہیں کی جائے گی.
