عزیزآباد کے علاقے میں پولیس نے کارروائی کرتے ہوئے جعلی پولیس اہلکار کو گرفتار کر لیا، جبکہ اس کے دو ساتھی موقع سے فرار ہو گئے۔
پولیس کے مطابق گرفتار ملزم شہریوں کو پولیس اہلکار ظاہر کر کے دھمکاتا اور لوٹ مار میں ملوث تھا۔ کارروائی کے دوران ملزم کے دو ساتھی فرار ہو گئے، جن کی شناخت عارف کمانڈو اور سلیم کے نام سے ہوئی ہے۔
پولیس کا کہنا ہے کہ گرفتار ملزم شوکت کے قبضے سے واردات میں استعمال ہونے والا سامان برآمد کر لیا گیا ہے۔ اس کے علاوہ ملزم سے جعلی پولیس کارڈ، پولیس جیکٹ اور موبائل فون بھی تحویل میں لے لیا گیا ہے۔
پولیس کے مطابق فرار ملزمان کی گرفتاری کے لیے چھاپے مارے جا رہے ہیں جبکہ واقعے سے متعلق مزید تفتیش جاری ہے۔
