ڈسٹرکٹ سٹی پولیس نے مختلف علاقوں میں ٹارگٹڈ کارروائیاں کرتے ہوئے چھ منشیات فروشوں کو گرفتار کر لیا ہے۔
گرفتار ملزمان سے منشیات برآمد کی گئی ہیں۔ یہ کارروائیاں تھانہ بغدادی، کلاکوٹ، گارڈن اور کلری کی حدود میں کی گئیں۔
گرفتار ملزمان کی شناخت نعمان اللہ، زبیر، محمد بلال، علی رضا، راشد اور پیر محمد کے ناموں سے ہوئی ہے۔ تحقیقات کے مطابق، تمام ملزمان عادی اور پیشہ ور منشیات فروش ہیں، جو اس سے قبل بھی مختلف مقدمات میں گرفتار ہو کر جیل جا چکے ہیں۔
ملزم نعمان اللہ اس سے قبل غیر قانونی اسلحہ رکھنے اور منشیات فروشی کے 9 مقدمات میں گرفتار ہو کر جیل جا چکا ہے۔ ملزم راشد ڈکیتی اور گٹکا/ماوا فروشی کے 2 مقدمات میں گرفتار ہو کر جیل جا چکا ہے۔
گرفتار ملزمان کے خلاف متعلقہ تھانہ جات میں مقدمات درج کر لیے گئے ہیں اور انہیں مزید قانونی کارروائی کے لیے انویسٹیگیشن حکام کے حوالے کر دیا گیا ہے۔
