کراچی: کراچی کے علاقے محمود آباد میں 100 سے زائد بچوں سے مبینہ بدفعلی کے سنگین مقدمے میں تفتیش کے دوران اہم پیش رفت سامنے آئی ہے۔
ذرائع کے مطابق مرکزی ملزم عمران کا ڈی این اے 8 متاثرہ بچوں کے ڈی این اے سے میچ کر گیا ہے، جس کے بعد کیس میں شواہد مزید مضبوط ہو گئے ہیں۔
ڈی این اے نتائج سامنے آنے کے بعد قانون نافذ کرنے والے اداروں نے تفتیش کا دائرہ وسیع کرتے ہوئے مزید متاثرہ بچوں کی نشاندہی اور ممکنہ سہولت کاروں کے کردار کی جانچ شروع کر دی ہے۔
حکام کا کہنا ہے کہ کیس سے متعلق قانونی اور فرانزک کارروائیاں جاری ہیں۔
