سابق چیئرمین ایف بی آر شبّر زیدی نے ایک پوڈکاسٹ میں دعویٰ کیا ہے کہ پاکستان نے امریکی صدر ڈونلڈ ٹرمپ کو ایران کے سپریم لیڈر علی خامنہ اٸ کے خلاف کسی بھی ممکنہ کارروائی سے متعلق خبردار کیا تھا۔
شبّر زیدی کے مطابق پاکستان نے امریکی قیادت کو پیغام دیا تھا کہ آیت اللہ خامنہ ای کو نشانہ بنانا ایک خطرناک اور غلط فیصلہ ہوگا، جس کا خطے میں کوئی مثبت نتیجہ نہیں نکلے گا۔ انہوں نے کہا کہ ایسے کسی اقدام سے مشرقِ وسطیٰ میں کشیدگی مزید بڑھ سکتی تھی اور حالات قابو سے باہر ہو سکتے تھے۔
یہ بیان ایک حالیہ پوڈکاسٹ میں سامنے آیا، جس کے بعد سوشل میڈیا پر اس موضوع پر بحث شروع ہوگئی۔ تاہم پاکستان یا امریکہ کی جانب سے اس دعوے کی کوئی سرکاری تصدیق سامنے نہیں آئی۔
