پشاور، 14 اپریل — خیبرپختونخوا کے گورنر فیصل کریم کنڈی نے صوبے کی اہم سیاسی شخصیات سے ملاقاتیں کیں، جن میں صوبائی سینیٹ انتخابات اور ممکنہ سیاسی اتحاد پر تبادلہ خیال کیا گیا۔
پاکستانی میڈیا کے مطابق مسلم لیگ (ن) کے سینئر رہنما امیر مقام اور سابق وزیر اعلیٰ پرویز خٹک سے ان کی رہائش گاہ پر ہونے والی ملاقات میں صوبے کی موجودہ سیاسی صورتحال، سینیٹ انتخابات اور اپوزیشن جماعتوں کی مشترکہ حکمت عملی پر غیر رسمی گفتگو ہوئی۔ ملاقات کا آغاز پرویز خٹک کی ہمشیرہ کے انتقال پر تعزیت سے ہوا۔
ذرائع کے مطابق، جمعیت علمائے اسلام (ف) کے سربراہ مولانا فضل الرحمان نے بھی پرویز خٹک سے ان کے گھر پر تعزیت کے لیے ملاقات کی، جس کے بعد سیاسی معاملات پر بات چیت ہوئی۔
ملاقاتوں کے دوران گورنر کے پی کی جانب سے متفقہ حکمت عملی طے کرنے کیلئے صوبے میں تمام اپوزیشن جماعتوں کی ایک "اہم بیٹھک” بلانے کا فیصلہ کیا، اس ملاقات میں صوبائی سینیٹ انتخابات بھی مل کر لڑنے پر بھی اتفاق کیا گیا ہے
دوسری جانب، مولانا فضل الرحمان اور گورنر کے پی کے درمیان الگ سے بھی ملاقات ہوئی، جس میں نہ صرف سینیٹ انتخابات پر بات کی گئی بلکہ ضم شدہ قبائلی اضلاع (سابق فاٹا) سے متعلق تحفظات اوروزیراعطم کی جانب سے بنائی گئی سیاسی کمیٹی کے کردار پر بھی تبادلہ خیال کیا گیا۔
