7 ستمبر ،2025
اسلام آباد: محکمہ موسمیات پاکستان کے مطابق آج رات ملک بھر میں مکمل چاند گرہن دیکھا جا سکے گا جس دوران چاند سرخ رنگ اختیار کرے گا، جسے "بلڈ مون” کہا جاتا ہے۔
فلکیاتی ماہرین کے مطابق چاند گرہن کا آغاز رات 8 بج کر 28 منٹ پر ہوگا جب چاند کی روشنی مدھم ہونا شروع ہوگی۔ جزوی گرہن 9 بج کر 27 منٹ پر جبکہ مکمل گرہن 10 بج کر 31 منٹ پر شروع ہوگا۔ گرہن اپنے عروج پر 11 بج کر 12 منٹ پر پہنچے گا اور مکمل مرحلہ 11 بج کر 53 منٹ پر اختتام پذیر ہوگا۔ جزوی گرہن 12 بج کر 57 منٹ تک جاری رہے گا جبکہ پورا مظہر 1 بج کر 55 منٹ (8 ستمبر) پر ختم ہوگا۔
یہ فلکیاتی منظر نہ صرف پاکستان بلکہ یورپ، ایشیا، افریقہ، آسٹریلیا، شمالی اور جنوبی امریکا میں بھی دیکھا جا سکے گا۔
