کراچی (7 ستمبر 2025) — منگھوپیر کے علاقے کلمہ چوک پر دو روز قبل بینک کی کیش وین سے دو کروڑ روپے سے زائد کی ڈکیتی کا مقدمہ درج کر لیا گیا۔
ایف آئی آر میں بتایا گیا ہے کہ پانچ مسلح افراد نے وین کو روک کر گارڈ کی رائفل چھینی اور رقم لے کر فرار ہوگئے۔ فوٹیج میں ملزمان کو موٹر سائیکلوں پر آتے اور وین کو گھیر کر نقدی لوٹتے دیکھا جا سکتا ہے۔
پولیس کے مطابق ملزمان کی گرفتاری کے لیے چھاپے مارے جا رہے ہیں اور اب تک دس افراد کو تفتیش کے لیے حراست میں لیا گیا ہے۔
وزیر داخلہ سندھ ضیاءالحسن لنجار نے نوٹس لیتے ہوئے ایس ایس پی ویسٹ سے رپورٹ طلب کر لی اور ڈاکوؤں کی گرفتاری کے لیے خصوصی ٹیمیں روانہ کرنے کی ہدایت کی
