کراچی: اسپیشل انویسٹی گیشن یونٹ (ایس آئی یو) کی پولیس پارٹی نے بغدادی تھانے پر کارروائی کرتے ہوئے شعبہ تفتیش میں تعینات سب انسپکٹر کو حراست میں لے لیا ہے۔
پولیس ذرائع کے مطابق حراست میں لیے گئے افسر کو مزید تفتیش کے لیے ایس آئی یو کے دفتر صدر سی آئی اے سینٹر منتقل کر دیا گیا ہے۔ ذرائع کا کہنا ہے کہ مذکورہ پولیس افسر کو لیاری گینگ وار کے کارندے وصی اللہ لاکھو اور اس کے ساتھیوں سے مبینہ روابط کے شبے میں حراست میں لیا گیا ہے۔
پولیس ذرائع کے مطابق افسر پر گینگ وار کے ملزمان کو بھتہ وصولی میں سہولت فراہم کرنے کے الزامات کی بھی تحقیقات کی جا رہی ہیں، جبکہ معاملے کی مزید چھان بین جاری ہے۔
