فروری 4، 2026
ویب ڈیسک
دنیا کی سب سے بڑی ٹیکنالوجی کانفرنس ویب سمٹ قطر میں پاکستان کی نمائندگی وزیرِ مملکت اور چیئرمین پی وی اے آر اے بلال بن ثاقب نے کی۔ انہوں نے کانفرنس سے خطاب کرتے ہوئے پاکستان کی ڈیجیٹل معیشت اور ٹیکنالوجی وژن کو اجاگر کیا۔
بلال بن ثاقب نے ابھرتی معیشتوں میں بلاک چین کے عملی استعمال پر پاکستان کا مؤقف پیش کیا۔ انہوں نے نوجوان آبادی، ریمیٹینس اور ڈیجیٹل اکانومی کے کردار پر گفتگو کرتے ہوئے کہا کہ پاکستان کا سب سے بڑا اثاثہ اس کے نوجوان ہیں۔
ویب سمٹ قطر میں پاکستان کو ابھرتے ہوئے ٹیک اور بلاک چین مرکز کے طور پر پیش کیا گیا۔ کانفرنس میں پاکستان کی اسٹارٹ اپ کمیونٹی اور ڈیجیٹل شعبے میں بڑھتی ہوئی صلاحیتوں کو بھی اجاگر کیا گیا۔
دوحہ میں پاکستانی سفارتخانے کی نیٹ ورکنگ تقریب میں بلال بن ثاقب نے بطور مہمانِ خصوصی شرکت کی۔ انہیں قطر کے وزیرِ اعظم شیخ محمد بن عبدالرحمن الثانی کے اعزاز میں منعقد عشائیے میں بھی مدعو کیا گیا۔
